Բաղադրիչներ.

հավի փափկամիս – 300 գ,

ձու – 5 հատ,

սալորի չիր – 150 գ,

ընկույզ  – 100 գ,

պանիր – 100 գ,

մայոնեզ,

աղ

Հավի միսը եփել, թողնել հովանալ, կտրատել: Ձուն խաշել, սպիտակուցներն ու դեղնուցներն առանձնացնել, քերիչով անցկացնել: Ընկույզն աղալ կամ կտրատել: Սալորի չիրը ևս մանրացնել: Պանիրը քերել: Ափսեի մեջ դնել միսը, աղ ցանել, մայոնեզ քսել: Վրան դնել դեղնուցը, բարակ շերտով մայոնեզ քսել: Դեղնուցը ծածկել սալորաչրով և մայոնեզ քսել: Վրան դնել քերած պանրի շերտը, մայոնեզ քսել նորից: Պանրի վրա ցանել մանրացրած ընկույզը, ընկույզի վրա էլ սպիտակուցները: Գազարի բարակ շերտերով ձևավորել ժամացույցը հռոմեական թվերով:

Բաղադրիչներ.

տավարի միս – 300 գ,

նուռ – 1 հատ,

սխտոր – 1-2 ատամիկ,

ընկույզի միջուկ – 60 գ,

թթվասեր – 2 ճ. գդ.,

մայոնեզ – 2 ճ. գդ.,

աղ, սև պղպեղ

Տավարի միսը խաշել, մանր կտրատել կամ թել-թել անել, ավելի գեղեցիկ կստացվի: Նուռը մաքրել, հատիկներն առանձնացնել, մի քանի հատիկ թողնել զարդարելու համար: Սխտորը մաքրել, ճզմել: Ընկույզի միջուկը մանրացնել դանակով, շատ մանր փշրելու կարիք չկա: Թթվասերը, մայոնեզը, սխտորը խառնել, աղ, պղպեղ անել: Սոուսը լցնել մսի վրա, ավելացնել նռան հատիկները, ընկույզը և խառնել: Զարդարել և մատուցել տոնական ընթրիքին:

Բաղադրիչներ.

հավի կրծքամիս – 1 մեծ կտոր,

կարմիր պղպեղ – 1 հատ,

կանաչ պղպեղ – 1 հատ,

եգիպտացորենի հատիկներ – 1 տուփ,

թթվասեր – 2 ճ. գդ.,

աղ, սև պղպեղ

Պղպեղների սերմատուփերը հեռացնել, կտրատել: Հավի կրծքամիսը տապակել, կտրատել: Եգիպտացորենը քամել: Թթվասերին աղ, պղպեղ խառնել: Միացնել բոլոր մթերքները, խառնել: Զարդարել  կանաչիով կամ հազարի տերևներով, մատուցել:

Բաղադրիչներ.

քամած մածուն – 200 գ,

թթվասեր – 50 գ,

ջուր – 1 ճ. գդ.,

լոլիկ – 1 հատ,

ծիթրոն թարմ – մի քանի ճյուղ,

ձիթապտուղ – 6-7 հատ,

սխտոր – 1 պճեղ,

աղ, ձիթայուղ,

չորացրած լավաշ

Քամած մածունը լցնել թասի մեջ, ավելացնել թթվասերը, մի գդալ ջուր խառնել, մի քիչ աղ ցանել: Լոլիկը մանր կտրատել և առաջացած հյութի հետ լցնել մածունի մեջ: Ծիթրոնը կտրատել, ավելացնել մածունին: Ձիթապտուղների կորիզները հեռացնել, կտրատել, խառնել աղցանին: Սխտորը մանրացնել, ավելացնել աղցանին: Այդ ամենը խառնել, լցնել մատուցվող ափսեի մեջ, վրան մի փոքր ձիթայուղ լցնել: Մատուցել չորացրած լավաշի հետ:

Բաղադրիչներ.

ձիթապտուղներ – 1 տուփ,

պահածոյացված եգիպտացորեն - 1 տուփ,

նուռ - 1 հատ,

ընկույզ – 150 գ,

հավի կրծքամիս - 1 կտոր,

մայոնեզ, թթվասեր, սամիթ

Հավի կրծքամիսը եփել, աղ ցանել վրան: Կաշին հեռացնել, կտրատել մանր խորանարդիկների: Ձիթապտուղների կորիզները հանել, օղակ-օղակ կտրատել փափուկ մասը: Եգիպտացորենը քամել, ընկույզի միջուկը մանրացնել: Այդ ամենը խառնել խորը ամանի մեջ: Թթվասերն ու մայոնեզը 1:1 հարաբերությամբ խառնել, միացնել աղցանին: Զարդարել նռան հատիկներով սամիթի տերևներով, մատուցել:

Բաղադրությունը

8 հատ ծովախեցգետնի ձողիկներ,

1 տուփ եգիպտացորեն,

կես տուփ առանց կորիզի զեյթուն,

50-70 գր. խաշած բրինձ,

մայոնեզ:

Զարդարելու համար`

դեղին, կարմիր բիբար,

նռան հատիկներ,

մաղադանոս,

եգիպտացորենի հատիկներ, զեյթուն:

Պատրաստման եղանակները

Ծովախեցգետնի ձողիկները, զեյթունը մանրացնել:

1-ինը դնել մանրացված ծովախեցգետնի ձողիկները և մայոնեզ քսել ,

2-րդ հերթին եգիպտացորենը և մայոնեզ քսել,

3-րդ՝ զեյթյունը և կրկին մայոնեզ քսել,

4-րդ՝ խաշած բրինձը և աղցանը մայոնեզով պատել:

Զարդարել ինչպես պատկերված է նկարում: Կարող եք ցանկացած տեսակի աղցան զարդարել այս կերպ: